Բակո Սահակյանը այցելել է Ստեփանակերտի Մեսրոպ Մաշտոցի անվան հանրապետական գրադարան
10-09-2015 19:01:37 | | Մամլո հաղորդագրություն
Արցախի Հանրապետության Նախագահ Բակո Սահակյանը սեպտեմբերի 10-ին այցելել է Ստեփանակերտի Մեսրոպ Մաշտոցի անվան հանրապետական գրադարան եւ հանդիպել աշխատակիցների հետ:
Նախագահը կարեւորել է հաստատության դերակատարությունը մեր երկրում մշակույթի ոլորտի զարգացման եւ մատաղ սերնդի դաստիարակության գործում՝ նշելով, որ նախատեսված է իրականացնել մի շարք ծրագրեր գրադարանի աշխատակիցների աշխատանքային եւ սոցիալական պայմանների բարելավման ուղղությամբ: