Համայն Ռուսիո Պատրիարքը պարգևատրել է հասարակական գործիչ Հրաչյա Պողոսյանին

15-09-2015 15:30:08 | Ռուսաստան | Մամլո հաղորդագրություն

ՄՈՍԿՎԱ, 15 ՍԵՊՏԵՄԲԵՐԻ 2015թ. — Համայն Ռուսիո Պատրիարք Կիրիլի կոնդակով հայազգի հասարակական գործիչ, ԱՊՀ միջխորհրդարանական վեհաժողովի գլխավոր քարտուղարի տեղակալի խորհրդական Հրաչյա Պողոսյանը պարգևատրվել է Պատրիարքի Նշանով՝ նվիրված Պատվելի Սերգեյ Ռադոնեժսկու 700-ամյակին: Պարգևի հանձնման արարողությունը կատարել է եպիսկոպոս Միտրոֆանը, ով բարձր է գնահատել Ռուս ուղղափառ եկեղեցուն բարերարի աջակցությունը: Հրաչյա Պողոսյանն, իր հերթին, շնորհակալություն է հայտնել իրեն նման պատվի արժանացնելու համար՝ նշելով, որ կշարունակի հայ և ռուս եկեղեցիների զարգացմանն ուղղված գործունեությունը:

Հրաչյա Պողոսյանը մեծ ավանդ է ներդրել հայ-ռուսական հարաբերությունների զարգացման գործում, նրա նախաձեռնությամբ երկու ժողովուրդների պատմական հիշողության պահպանմանն ուղղված բազմաթիվ ծրագրեր են իրականացվել, կանգնեցվել է ավելի քան 45 հուշարձան Հայաստանում, Ռուսաստանում, Վրաստանում, Մոնղոլիայում և Բելառուսում, ֆիլմեր են նկարահանվել և գրքեր լույս ընծայվել:

Հայ-Ռուսական Անկախ Տեղեկատվական Կենտրոն,

Մոսկվա

Նոյյան տապան - Մամլո հաղորդագրություն

Կարդացել են 717 անգամ

Համայն Ռուսիո Պատրիարքը պարգևատրել է հասարակական գործիչ Հրաչյա Պողոսյանին

Noyan Tapan TV