Toyota-ն 2020 թվականին կներկայացնի անվարորդ մեքենաների վերջնական տարբերակը
07-10-2015 12:20:24 | Ճապոնիա | Գիտություն եւ տեխնոլոգիաներ
Toyota Motor ավտոարտադրող ընկերությունը 2020 թվականին նախատեսում է ներկայացնել ինքնավար շարժման համակարգով մեքենաների վերջնական տարբերակը: Այս մասին գրում է gazeta.ru-ն` վկայակոչելով WSJ-ին:
Ընկերության վերոնշյալ մտադրության մասին լրագրողներին պատմել է անվտանգության համակարգերի զարգացման վարչության պետը: Նա նաև Lexus GS-ի վրա ցուցադրել է անվարորդ մեքենաների վերջին նախատիպի հնարավորությունները:
Ավտոմեքենան ինքնավար ռեժիմով 10 րոպեում 60կմ/ժ արագությամբ անցել է վճարովի ավտոմայրուղով, ինքնուրույն վերադասավորվել է ճանապարհի երթևեկելի մի գոտուց մեկ այլ գոտի և զարգացրել արագություն:
Մեքենայի վրա տեղադրված է ռադար և տեսախցիկ, որոնք թույլ են տալիս կառավարող ալգորիթմին ճանապարհի վրա հսկել իրավիճակը: Մեքնեայի վարորդը նշյալ համակարգը կարող է օգտագործել որպես ակտիվ օգնական մեքենայի մեխանիկական վարման դեպքում: