Իրանական խորհրդարանը հավանություն է տվել միջուկային ծրագրի շուրջ ձեռք բերված համաձայնագրին
13-10-2015 15:20:23 | Իրան | Մշակույթ
Իրանի խորհրադարանը հավանության է արժանացրել միջուկային ծրագրի շուրջ Իրանի Հանրապետության և վեցնյակի միջև ձեռք բերված համաձայնագիրը: Այս մասին գրում է lenta.ru-ն` վկայակոչելով Reuters-ին:
Փաստաթղթի օգտնին կողմ է քվեարկել իրանական խորհրդարանի 161 պատգամավոր, դեմ է արտահայտվել 59-ը, իսկ ձեռնպահ է մնացել 13 պատգամավոր:
Համաձայանգրին դեմ են արտահայտվել հիմնականում պահպանողական ճակատի ներկայացուցիչները, ովքեր Հասան Ռոհանիի կառավարությանը մեղադրում են երկրի շահերին դավաճանելու մեջ: Նախնական քվեարկության ընթացքում ևս միջուկային գործարքի կողմանկիցները հաղթանակ էին տարել:
Համաձայնագիրը վերջնականապես ուժի մեջ կմտնի Իրանի Գլխավոր առաջնորդ Այաթոլլա Խամենեի հաստատումից հետո: Հիշեցնենք, որ հուլիսի 14-ին Իրանն ու միջազգային միջնորդների «վեցնյակը» միջուկային ծրագրի շուրջ համաձայնության էին եկել: Վերջնական փաստաթղթի համաձայն՝ Իրանի դեմ գործող պատժամիջոցները պետք է կասեցվեին, դրան ի պատասխան՝ Թեհրանը պետք է միջուկային զենքի ստեղծման ոչ մի փորձ չձեռնարկեր: