Մի քանի տասնյակ մարդ է զոհվել Նիգերիայի մզկիթներից մեկում տեղի ունեցած ահաբեկչության արդյունքում
16-10-2015 11:29:13 | Նիգերիա | Միջազգային
Մի քանի տասնյակ մարդ է զոհվել Նիգերիայի հյուսիս-արևմուտքում հնչած երկու պայթյունների հետևանքով: Այս մասին գրում է lenta.ru-ն` վկայակոչելով Yahoo News-ին:
Աղբյուրի տեղեկացմամբ` ահաբեկչությունը տեղի է ունեցել Մայդուգուրի քաղաքում: Նախնական տեղեկություններով մահապարտ-ահաբեկիչները պայթուցիկները գործի են դրել երեկոյան աղոթքի ժամանակ:
Տեղացիների փոխանցմամբ`մզկիթում տեղավորվել է շուրջ 40 մարդ: «Մզկիթի ներսում գտնվող բոլոր մարդիկ զոհվել են»,- նշել է ականատեսը:
Մեկ այլ ականատեսի պնդմամբ` վերոնշյալ ահաբեկչության զոհ է դարձել 42 մարդ:
Կատարվածի մեղավրությունը ոչ ոք իր վրա չի վերցրել:
Նշվում է, որ վիրավորները տեղափոխվել են հիվանդանոց: