Շվեդիա ներգաղթած միգրանտների թիվն անցել է 100 հազարը

26-10-2015 16:28:23 | Շվեդիա | Միջազգային

9,8 միլիոնանոց Շվեդիայում փախստականների թվի նոր ռեկորդ է սահմանվել. մեկ շաբաթվա ընթացքում թագավորություն են ներգաղթել շուրջ 9,5 հազար մարդ: Այս մասին գրում է tass.ru-ն:

Աղբյուրի տեղեկացմամբ` ներգաղթյալներից 2,5 հազարը դեռահաս միգրատներ են, որոնք Շվեդիա են հասել առանց մեծահասակների ուղեկցության: Այդպիսով, 2015 թվականի ընթացքում երկրում միգրանտների ընդհանուր թիվը գերազանցել է 100 հազարը և ներկայումս կազմում է մոտ 105 հազար:

Եվրոմիության երկրներում սա ամենաբարձր ցուցանիշն է:

«Փախստականների ամենամեծ խմբերը մեր երկիր գալիս են Սիրիայից, Աֆղանստանից և Իրաքից»,- տեղեկացրել են Շվեդիայի միգրացիոն ծառայությունից:

Համաձայն նախորդ շաբաթ հրապարակված կանխատեսումների` Դանիայի թագավորությունում փախստականների թիվն այս և հաջորդ տարիներին կարող է հասնել 360 հազարի: Այդ միգրացիոն հոսքերի թիվը հավասար է շվեդական մի քանի քաղաքների բնակչության թվին:

Երկրի իշխանությունները մի քանի օր առաջ ստիպված են եղել փոխելու մինչ այդ իրենց ունեցած «բաց սրտերի» քաղաքականությունը: Մասնավորապես, Շվեդիայի կառավարությունը և ընդդիմությունը համաձայնություն են ձեռք բերել միգրացիոն ոլորտում ունեցած քաղաքականությունը խստացնելու կապակցությամբ:

Այսուհետ միգրացիոն ծառայությունը ձեռք է բերել իրավունք փախստականներին ապաստան տրամադրել երեք տարով, այլ ոչ թե ընդմիշտ:

Նոյյան տապան - Միջազգային

Կարդացել են 504 անգամ

Շվեդիա ներգաղթած միգրանտների թիվն անցել է 100 հազարը

Noyan Tapan TV