Վարորդները ավտոերթ են անցկացնելու Հայաստանում տրանսպորտի ոլորտում համակարգային փոփոխություններ իրականացնելու պահանջով
19-11-2015 13:23:19 | Հայաստան | Տրանսպորտ
«Ավտովարորդների պաշտպանության լիգան», անհատ տաքսիստները, տաքսի ծառայությունները և ընդհանրապես ուղևորախոխադրումներ իրականացնող կազմակերպությունները վաղը՝ նոյեմբերի 20-ին ժամը 13,00-ին Երևանի Բրազիլիայի հրապարակից դեպի Կառավարության շենք եւ Բաղրամյան 26 իրականացնելու են ավտոերթ՝ Հայաստանում տրանսպորտի ոլորտում համակարգային փոփոխությունների պահանջով:
Այս մասին այսօր՝ նոյեմբերի 19-ին, NT.am-ին հայտնեց «Ավտովարորդների պաշտպանության լիգա» ՀԿ նախագահ Տիգրան Հովհաննիսյանը։
«Նոյեմբերի 20-ին հանդիպոմ ենք պահանջելու վարչապետի, այնուհետեւ նախագահի աշխատակազմի ղեկավար Վիգեն Սարգսյանի հետ, 22 կետից բաղկացած առաջարկներ ենք ներկայացնելու նրանց, պահանջելու ենք, որ վերահսկողությունը Տրանսպորտի եւ կապի նախարարության Տրանսպորտի տեսչությունից փոխանցվի ոստիկանությանը»,-ասաց նա: