Թուրք-սիրիական սահմանին ռուսական Су-24 ինքնաթիռ է կործանվել (տեսանյութ)
24-11-2015 17:23:24 | Թուրքիա |
Սիրիայի տարածքում թուրքական ռազմաօդային ուժերը կործանել են ռուսական ռազմական Су-24 ինքնաթիռը Թուրքիայի օդային տարածքը խախտելու պատճառով: Անկարայի փոխանցմամբ, կործանված ինքնաթիռի անձնակազմը չի արձագանքել զգուշացումներին:
Ինչպես տեղեկացնում է newsader.com-ն` հղում անելով Reuters-ին, թուրքական սահմանին է մոտեցել երկու ինքնաթիռ: Նշվում է, որ դրանցից մեկը կործանվել է այն բանից հետո, երբ օդաչուներին պահանջել են հեռանալ թուրքական երկնքից:
Ռուսաստանի պաշտպանության նախարարությունը հաստատել է ինքնաթիռի կործանումը, սակայն հերքել է թուրքական սահման ներխուժման փաստը:
Իր հերթին, թուրքական «Անալոդու» լրատվական գործակալությունը հայտնում է, որ Թուրքիային վարչապետ Ահմեդ Դավութօղլուն զանգահարել է Թուրքիայի զինված ուժերի գլխավոր շտաբի ղեկավար գեներալ Հուլուսի Ակարին և Արտաքին գործերի նախարար Ֆերիդունոմ Սինիրլիօղլուն սիրիական սահմանին տեղի ուեցածի մասին տեղեկություն ստանալու համար: Վարչապետի հրամանով Թուրքիայի ԱԳՆ-ն մտադիր է անհրաժեշտ քայլեր ձեռնարկել բոլոր շահագրգիռ երկրների, ինչպես նաև ՆԱՏՕ-ի և ՄԱԿ-ի հետ:
BBC-ի տվյալներով ՆԱՏՕ-ի մամուլի քարտուղարը նշել է, որ դաշինքը «կապի մեջ է թուրքական իշխանությունների հետ»: