Ֆինլանդիան մտադիր չէ ռազմական ստորաբաժանումներ ուղարկել Իրաք
09-12-2015 16:07:57 | Ֆինլանդիա | Քաղաքական
Ֆինլանդիան մտադիր չէ Իրաք ուղարկել ռազմական ստորաբաժանումներ և ցանկանում է հակաահաբեկչական գործողություններին մասնակցել քուրդ զինյալներին կրթելու ճանապարհով:
Tass.ru-ի փոխանցմամբ` այդ մասին հայտնել է երկրի Պաշտպանության նախարարության ղեկավարը` մեկնաբանելով ԱՄՆ-ի կողմից ֆիննական կողմին «Իսլամական պետություն» ահաբեկչական խմբավորման դեմ պայքարելու համար ուղարկված հարցումը:
Նրա խոսքերով` Իրաքում անցկացվող կրթության շարունակումը և ուժեղացումը համապատասխանում է Ֆինլանդիային, քանի որ վերջինս մտադիր չէ այնտեղ ուղարկել ռազմական ստորաբաժանումներ:
Նախարարը նաև հաղորդել է, որ ԱՄՆ-ի կողմից Ֆինլանդիային ուղարկված հարցման բովանդակությունն ավելի ընդարձակ է, նրանում առկա են շատ գաղտնի դետալներ: