ԶԼՄ-ները հաղորդել են ԻՊ-ի առաջնորդի` Թուրքիայից Լիբիա տեղափոխվելու մասին
09-12-2015 18:48:03 | | Միջազգային
«Իսլամական պետություն» միջազգային ահաբեկչական խմբավորման առաջնորդ Աբու Բաքր ալ Բաղդադին Թուրքիայից տեղափոխվել է Լիբիա:
Lenta.ru-ի փոխանցմամբ` ԻՊ առաջնորդի կացության վայրի փոփոխության անհրաժեշտությունն առաջացել է իրաքյան հետախուզությունից խուսափելու համար:
Աղբյուրի տեղեկացմամբ` ԻՊ-ի առաջնորդը Լիբիա է հասել երկրի հյուսիսում տեղակայված Սիրտ քաղաքով:
Ավելի վաղ, ալ Բաղդադին մի քանի անգամ Իրաքից գնացել է Սիրիա և հակառակը:
TASS-ի տեղեկություններով` վերջին անգամ ընթացիկ տարվա նոյեմբերին է կազմակերպության առաջնորդը սիրիական Ալբու Քամալ փոքրիկ քաղաքից տեղափոխվել է իրաքյան Մոսուլ քաղաք և այնտեղից դարձյալ Թուրքիա: