Դեկտեմբերի 13-ից 15-ը ՀՀ առողջապահության նախարար Արմեն Մուրադյանը, ԻԻՀ առողջապահության և բժշկական կրթության նախարար Սեյեդ Հասան Հաշեմիի հրավերով, այցելեց Թեհրան:
Դեկտեմբերի 14-ին կայացավ նախարարներ Ա.Մուրադյանի և Ս.Հաշեմիի հանդիպումը, որին ներկա էր նաև Իրանում ՀՀ դեսպան Արտաշես Թումանյանը: Հանդիպման ընթացքում քննարկվեցին երկկողմ համագործակցությանը վերաբերող մի շարք հարցեր: Արդյունքում կողմերը ստորագրեցին առողջապահական ոլորտում համագործակցության վերաբերյալ Փոխըմբռնման հուշագիր:
Այցի շրջանակներում նախարար Մուրադյանը եղավ Թեհրանի «Noor» ակնաբուժական կենտրոնում, ինչպես նաև «Aryogen» դեղագործական և արտադրական ընկերությունում:
Հանդիպումների ընթացքում քննարկվեցին առողջապահության ոլորտին առնչվող գիտահետազոտական, կրթական և արտադրական համագործակցության ծրագրեր:
Նախարար Մուրադյանը հանդիպեց նաև Իրանի հայ համայնքի ներկայացուցիչների հետ, որի ընթացքում ներկայացրեց ՀՀ առողջապահության ոլորտի վիճակը և կառավարության առաջիկա ծրագրերը: