Հրաչյա Հարությունյանին կտեղափոխեն Հայաստան. հարազատները տեղեկացել են ԱՆ-ից
26-01-2016 18:00:29 | Ռուսաստան | Իրավունք
Մոսկվայի դատարանի կողմից 6 տարի 9 ամիս ազատազրկման դատապարտված Հրաչյա Հարությունյանին այս տարի կհանձնեն Հայաստանին: Հարազատներին այս մասին տեղեկացրել են Արդարադատության նախարարությունից:
a1plus.am-ը հիշեցնում է, որ Հրաչյա Հարությունյանը մեղավոր է ճանաչվել 2013 թ հուլիսի 13-ին Պոդոլսկի մոտ տեղի ունեցած խոշոր վթարի գործով, ինչի արդյունքում զոհվել էր 18 մարդ։ Հրաչյա Հարությունյանը բեռնատարով բախվել էր ավտոբուսին: Նա ընդունել էր իր մեղքը:
Ի դեպ, այս տարիների ընթացքում տան անդամները չեն տեսել նրան, իսկ առողջության վերաբերյալ տեղեկություններ ստանում են փաստաբանից եւ այնտեղ ապրող իրենց բարեկամներից։
ՀԱՅԵՐԵՆ
Русский
English
Դաս. հայերեն
French
