ԱԶԱՏ ՀԱՅՔ-ը առաջարկում է ընտրակեղծիքները նվազագույնի հասցնելու տարբերակներ

05-02-2016 17:15:17 | Հայաստան | Հայտարարություններ

ՀՀ Ազգային Ժողովի նախագահին՝ տեղակալներին, մշտական հանձնաժողովներին. Ե/Գ N – 009/ա.

ՀՀ ԱԺ – ում դաշինքների եւ կուսակցությաւնների ցուցակներով ներկայացված քաղաքական եւ այլ ուժերին, Ե/Գ N –009/ը

***

ԱՌԱՋԱՐԿՈՒՄ ԵՆՔ ԸՆՏՐԱԿԱՆ ՕՐԵՆՍԳՐՔԻ ՔՆՆԱՐԿՄԱՆ ԽՈՐՀՐԴԱՐԱՆԱԿԱՆ ԼՍՈՒՄՆԵՐ ՀՐԱՎԻՐԵԼ ԵՒ ԱՅՆ ՀԱՆՐԱՅԻՆ ՌԱԴԻՈ-ՀԵՌՈՒՍՏԱՏԵՍՈՒԹՅԱՄԲ ՀԵՌԱՐՁԱԿԵԼ ՈՒՂԻՂ ԵԹԵՐՈՒՄ:

Ակնկալում ենք, որ մեր գրությունը կուսումնասիրեք, օրենքով սահմանած կարգով ձեր գրավոր եզրակացությունը կփոխանցեք մեզ:

ՀՀ ԱԺ (ՀՀԿ) խմբակցությանը, Ե/Գ N –009/բ

ՀՀ ԱԺ (ԲՀԿ) խմբակցությանը, Ե/Գ N –009/գ

ՀՀ ԱԺ (ՀԱԿ) խմբակցությանը, Ե/Գ N –009/դ

ՀՀ ԱԺ (ՀՅԴ) խմբակցությանը, Ե/Գ N –009/ե

ՀՀ ԱԺ (ՕԵԿ) խմբակցությանը, Ե/Գ N –009/զ

,,Ժառանգություն,, խմբակցությանը, Ե/Գ N –009/է

ՀՀ ԱԺ – ում ներկայացված այլ կուսակցությունների ներկայացուցիչներին, Ե/Գ N –009/ը

ՀՀ Սահմանադրական Դատարանի Նախագահին. Ե/Գ N –009/թ

Լ Ր Ա Տ Վ Ա Մ Ի Ջ Ո Ց Ն Ե Ր Ի Ն

Հայաստանի քաղաքական, հասարակական, տնտեսական հարթակը տնօրինող դերակատարներին ավելի քան երկուսուկես տասնամյակ է՝ բոլոր միջոցներով հուշում ենք ընտրակեղծիքները նվազագույնի հասցնելու առաջարկներ:

Ինչ խոսք, դրանք փրկության միակ դեղատոմսը չեն եւ այլ առաջարկներ կարող են ավելացվել:

Ուստի, հաշվի առնելով, որ 2015 թ. դեկտեմբեր 6 – ի Սահմանադրական հանրաքվեից հետո արմատական փոփոխությունների է ենթարկվելու նաեւ ՀՀ ընտրական օրենսգիրքը, ի գիտություն ՀՀ Ազգային Ժողովի բոլոր խումբ-խմբակցություններին, լրատվամիջոցներին, բազմազան ընդիմադիրներին ներկայացնելով մեր նկատառումները եւ հուսալով, որ ի շարս այլոց մեր առաջարկները նույնպես կընդգրկվեն Ընտրական Օրենսգրքի քննարկման օրակարգում, ԱՌԱՋԱՐԿՈՒՄ ԵՆՔ

ԸՆՏՐԱԿԱՆ ՕՐԵՆՍԳՐՔԻ ՔՆՆԱՐԿՄԱՆ ԽՈՐՀՐԴԱՐԱՆԱԿԱՆ ԼՍՈՒՄՆԵՐ ՀՐԱՎԻՐԵԼ ԵՒ ԱՅՆ ՀԵՌԱՐՁԱԿԵԼ ՀԱՆՐԱՅԻՆ ՌԱԴԻՈ-ՀԵՌՈՒՍՏԱՏԵՍՈՒԹՅԱՄԲ ՈՒՂԻՂ ԵԹԵՐՈՒՄ:

Ազատ Հայք բհկ-ն կարծում է, որ

ԸՆՏՐԱԿԱՆ ՕՐԵՆՍԳՐՔՈՎ ՊԵՏՔ Է.

1, Համապետական ընտրություններին մասնակցության շեմ սահմանվի ընտրելու իրավունք ունեցող ՀՀ քաղաքացիների 75% -ը:

2, Համամասնական առաջադրումն իրականացվի կուսակցությունների, դաշինքների, խմբերի անուններով՝ առանց պահանջելու համարակալված ցուցակներ, պատգամավորին հետ կանչելու և նոր պատգամավոր նշանակելու իրավունքը վերապահելով կուսակցություններին, խմբերին, դաշինքներին:

3, Ընտրություններին նվազագույն շեմը չհաղթահարած ուժերի քվեները միացվի, փոխարկվի համապատասխան պատգամավորական մանդատների և հատկացվի ընտրապայքարին մացնակցած եւ դուրս մնացած ուժերին:

4, Ապահովի արտերկրում գտնվող ՀՀ՝ ընտրելու իրավունք ունեցող բոլոր քաղաքացիների, երկքաղաքացիների մասնակցությունը ընտրություններին՝ էլեկտրոնային քվեարկությամբ:

5, Գաղտնի տեսախցիկներով քվեախցիկներին հետեւելը բացառելու նպատակով խիստ պատիժ սահմանվի գաղտնադիտումի կազմակերպիչների, իրականացնողների նկատմամբ:

6, Ընտրատեղամասերի գրիչի թանաքի գույնը սահմանվի ԿԸՀ կողմից:

7, Քվեաթերթիկի որեւե մասում կամ ետնամասում որեւէ սիմվոլի առկայության դեպքում քվեաթերթիկն համարվի անվավեր:

8, Եթե անվավեր քվեարերթիկների թիվը վավեր քվեարերթիկների թվին գերազանցում է, նշանակվի կրկնական ընտրություններ առաջին, երկրորդ, երրորդ տեղերը գրաված ուժերի մասնակցությամբ:

9, Ընտրություններին լրիվ կազմով մասնակցած ընտանիքների համար սահմանվի արտոնություններ և առաջնահերթություններ՝ մինչև հաջորդ ընտրությունների օրը:

10, Ներդնել ընտանեական ընտրակարգ, որով ծնողները անչափահաս երեխաների թվին համապատասխան քվեի իրավունք կունենան:

11, Քվեաթերթիկներում վերականգնվի ԲՈԼՈՐԻՆ ԴԵՄ ԵՄ կետը:

*(Եթե ԲՈԼՈՐԻՆ ԴԵՄ ԵՄ քվեները գերազանցում են ԿՈՂՄ ՔՎԵՆԵՐԻՆ, ընտրությանը մասնակցած ուժերին 3 տարով արգելել մասնակցել համապետական որեւէ ընտրության):

ԸՆՏՐՈՒԹՅՈՒՆՆԵՐԻ ԹԱՓԱՆՑԻԿՈՒԹՅԱՆ ԵՐԱՇԽԻՔՆԵՐ

ա, Տեղամասերում քվեաթերթիկների հաշվարկը, արդյունքների ամփոփումը տեսագրել և պահպանել մինչև հաջորդ ընտրությունների արդյունքների հաստատումը:

բ, Ընտրողների քվեաթերթիկ ստանալը վկայող գրանցամատյանները պատճենահանել և տրամադրել լրատվամիջոցներին, ՀՀ իրավապահ մարմիններին, ընտրությանը մասնակցած բոլոր ուժերին:

*(Թեկնածությունն առաջադրման գրավի մեջ նեռաել նաեւ ընտրողների քվեաթերթիկ ստանալը վկայող գրանցամատյանների հրատարակչական ծախսերը):

գ, Ընտրությունների անցկացումը, քվեաթերթիկների հաշվարկը տեղամասերում եւ վերահսկողությունը, դրանց հարակից տարածքներում իրականացնել ոստիկանական զորքերի կամ բանակի միջոցով:

*(Տեղամասային հանձնաժողովների անդամները անհրաժեշտության դեպքում բացատրում, մեկնաբանում, պարզաբանում են ընտրակարգը: Հանձնաժողովները օրենքով սահմանված իրենց մյուս պարտականությունները ստանձնում են հաշվարկը սկսելիս):

ՀԱՐԳԱՆՔՈՎ՝

,,Ազատ Հայք,, բհկ նախագահ՝

Ռուբէն Մնացականեան,

04 փետրվարի 2016թ.

Նոյյան տապան - Հայտարարություններ