Շարունակվում է մայրաքաղաքի վարչական շրջաններ-ԼՂՀ համագործակցությունը
10-02-2016 11:37:42 | Արցախ (ԼՂՀ) | Մամլո հաղորդագրություն
Երևանի և Ստեփանակերտի միջև բարեկամության համաձայնագրի շրջանակում քաղաքապետ Տարոն Մարգարյանի նախաձեռնությամբ շարունակվում են մայրաքաղաքի վարչական շրջանների և ԼՂՀ շրջանների միջև համագործակցության ծրագրերը: Դավթաշեն վարչական շրջանի ղեկավարի աշխատակազմի ներկայացուցիչները հերթական անգամ այցելել են Ստեփանակերտ և Մարտակերտ քաղաքներ` նախ Ստեփանակերտի քաղաքապետ Սուրեն Գրիգորյանի, այնուհետ նաև Մարտակերտի քաղաքապետ Միշա Գյուրջյանի հետ:
Հանդիպման ընթացքում քննարկվել են Դավթաշեն վարչական շրջանի և Ստեփանակերտ ու Մարտակերտ քաղաքների հետ ձևավորված բարեկամության ամրապնդմանն առչվող ծրագրերը: Երևանյան պատվիրակության անդամները երկու քաղաքներում էլ սոցիալական աջակցության նպատակով նվիրաբերել են կենցաղային իրեր, ինչպես նաև հեռուստացույց՝ խիստ կարիքավոր ընտանիքներից մեկին տրամադրելու համար: Առաջիկայում փոխայցելությունները կշարունակվեն: