Պակիստանում մահապարտն իրեն պայթեցրել է դատարանում. կան զոհեր և վիրավորներ
07-03-2016 20:05:44 | Պակիստան | Միջազգային
Պակիստանյան Հայբեր-Պախտուվա նահանգում դատարանի մոտակայքում մահապարտի հարձակման հետևանքով զոհվել է 10 մարդ, ևս 10-ից ավելին ստացել են վնասվածքներ: korrespondent.net-ի փոխանցմամբ՝ ոստիկանները մահապարտին բռնել են դատարանի շրջակայքում, երբ նա փորձել է մուտք գործել լսումների ժամանակ, բացել կրակ, որի արդյունքում նրա վրա եղած պայթուցիկ սարքը պայթել է:
Զոհվածների թվում երկու ոստիկան կա, իսկ տարածքում եղած մեքենաներն ամբողջությամբ այրվել են: Ականատեսների խոսքերով՝ պայթյունից հետո լսվել են կրակոցների ձայներ:
Հարձակման պատասխանատվությունն իրենց վրա են վերցրել պակիստանյան թալիբները, որոնք 2007 թվականից զինվածպայքար են տանում Պակիստանի կառավարության դեմ՝ պահանջելով իսլամական օրենքներում ներդնել խիստ մեկնաբանություններ:
ՀԱՅԵՐԵՆ
Русский
English
Դաս. հայերեն
French
