Սանկտ-Պետերբուրգում դաղստանցիների եւ ադրբեջանցիների միջեւ զանգվածային բախում է տեղի ունեցել:
Ինչպես հաղորդում են ռուսաստանյան ԶԼՄ-ները, բախման ժամանակ կողմերը հրազեն են օգտագործել:
Ռուսաստանի Դաշնության ՆԳՆ Լենինգրադի մարզի գծով վարչության հաղորդագրության համաձայն` միջադեպը տեղի է ունեցել ապրիլի 28-ին մոտ ժամը 16:00-ին: Սանկտ-Պետերբուրգի Վասիլեւսկի օստրով շրջանում ծագումով Դաղստանից եւ Ադրբեջանից անձանց միջեւ փոխհրաձգությունից հետո երկու հոգի ձերբակալվել են:
Դիմակայության պատճառը հայտնի չէ: Նախնական տվյալներով` փոխհրաձգութունից ոչ ոք վնասվածք չի ստացել: Միջադեպի լուսանկարները տարածվել են «Vkontakte» սոցիալական ցանցում: