Հայաստանի արտգործնախարարն ընդունել է «Տավիթյան» հիմնադրամի նախագահին
29-04-2016 12:22:51 | Հայաստան | Մամլո հաղորդագրություն
Ապրիլի 28-ին արտգործնախարար Էդվարդ Նալբանդյանն ընդունեց «Տավիթյան» հիմնադրամի նախագահ Ասո Տավիթյանին։
Ողջունելով հյուրերին՝ նախարար Նալբանդյանը բարձր գնահատեց «Տավիթյան» հիմնադրամի գործունեությունը հայ երիտասարդների կրթության, վերապատրաստման գործում։ Հայաստանի արտաքին քաղաքական գերատեսչության ղեկավարը կարևորեց հիմնադրամի և ՀՀ ԱԳՆ միջև հաստատված համագործակցությունը:
Ասո Տավիթյանը վստահեցրեց, որ իր ստեղծած հիմնադրամի գործունեությունն՝ ի նպաստ Հայրենիքի, շարունակական բնույթ է կրելու։
Նախարար Նալբանդյանը ներկայացրեց Ադրբեջանի կողմից Արցախի դեմ սանձազերծված ագրեսիվ ռազմական գործողությունների հետևանքների հաղթահարմանն ուղղված՝ Հայաստանի և ԵԱՀԿ Մինսկի խմբի համանախագահների ջանքերը։
Մտքեր փոխանակվեցին միջազգային և տարածաշրջանային խնդիրների և դրանց լուծման ուղիների վերաբերյալ։