Այս երեխաները «Մանկիկ» ամսագրի «Փոքրիկ նկարիչներ» մրցույթի հաղթողներն են, ովքեր անհամբերությամբ շտապում են «Վահագն Դավթյանի» անվան այգի` մասնակցելու թվով 4-րդ տոնական մրցանակաբաշխությանը:
Միջոցառումը նրանց համար անմոռանալի դարձնելու նպատակով «Մարի» հրատարակչության խմբագրակազմը հրավիրել էր մուլտհերոսների և «Փոքրիկ Էյնշտեյն» գիտական շոու ծրագրի ներկայացուցիչներին: Վերջիններս մրցույթի հաղթողների մասնակցությամբ տեղում կատարեցին հետաքրքիր գիտական փորձեր:
Մարիամ Մելքոնյանի փոխանցմամբ` «Մանկիկ» ամսագրի ստեղծման առաջին իսկ օրվանից անցկացվող «Փոքրիկ նկարիչներ» մրցույթին կարող են մասնակցել բոլոր երեխաները Հանրապետության ողջ տարածքից: Դրա համար անհրաժեշտ է, որպեսզի երեխաներն իրենց ձեռքերով նկարած աշխատանքներն անձնական լուսանկարի հետ ուղարկեն ամսագրի խմբագրություն, իսկ խմբագրակազմը կընտրի մրցույթի հաղթողներին:
Ավանդական դարձած մրցանակաբաշխության 80 հաղթողներից միայն 20-ն էին ներկա տոնական մթնոլորտում անցկացված պարգևատրմանը, իսկ մյուս հաղթողներն իրենց մրցանակները կկարողանան ստանալ «Մարի» հրատարակչության գրասենյակից:
Բացի « Փոքրիկ նկարիչներ» մրցույթից, «Մարի» հրատարակչության հավատարիմ ընթերցողները և նրանց փոքրիկները կարող են մասնակցել նաև վիկտորինաների, խաչբառերի և վայելչագրությունների մրցույթների:
ՀԱՅԵՐԵՆ
Русский
English
Դաս. հայերեն
French
