Հռոմի Ֆրանցիսկոս պապը հայտարարել է, որ համասեռամոլները և այլ սոցիալական խմբերը, որոնց բացառում է եկեղեցին, արժանի են վերջինիս ներողամտությանը: Interfax.ru-ի փոխանցմամբ` այդ մասին գրում է Բի-Բի-սի-ն:
Կիրակի Հռոմի պապին հարցրել են, համաձայն է արդյոք նա կարդինալ Մարկսի` Օռլանդոյի գեյ ակումբում կատարված հարձակումից հետո արված այն հայտարարության հետ, թե եկեղեցին պետք է ներողություն խնդրի միասեռականներից:
«Ով եմ ես, որ նրանց դատապարտեմ»,- ասել է պապը և կրկնել իր նախկին հայտարարությունն այն մասին, որ համասեռամոլները չպետք է խտրական վերաբերմունքի արժանանան եկեղեցու կողմից, ինչպես նաև հայտարարել է նրանց նկատմամբ հարգալից վերաբերմունքի անհրաժեշտության մասին:
Պոնտիֆիկի խոսքերով` եկեղեցին պետք է ներողություն խնդրի մյուս սոցիալական խմբերից, որոնք բացառել է, այդ թվում կանանցից ու աղքատներից: