ՀՀ ԱԻՆ-ը նախաձեռնել է աղետների ռիսկի կառավարման հանրային մեծ լրարշավ
29-06-2016 10:48:27 | Հայաստան | Մամլո հաղորդագրություն
ՀՀ արտակարգ իրավիճակների նախարարությունը միշտ էլ բաց ու թափանցիկ է աշխատել իր գործընկերների հետ, և մենք մեր ուժերի ներածին չափով աշխատել ենք Ձեզ` բոլորիդ ապահովել օպերատիվ, բաց, հետևողական, ամբողջական, օբյեկտիվ, շարունակական, ինչպես նաև` անհրաժեշտ, օգտակար և հետաքրքիր տեղեկատվությամբ:
Պետական տեղեկատվական քաղաքականությունն առավել արդյունավետ դարձնելու նպատակով քայլեր են ձեռնարկվում ՀՀ միջգերատեսչական միացյալ լրատվական կենտրոն ստեղծելու ուղղությամբ: Ստեղծել ենք նաև տեղեկատվություն ստացող-առաքողների և տեղեկատվություն կրողների Արտակարգ Ցանց` պետական կառավարման և տեղական ինքնակառավարման մարմինների (նախարարություններ, գերատեսչություններ, մարզպետարաններ, քաղաքապետարաններ), հասարակական և միջազգային կազմակերպությունների, հատուկ և կարևորագույն նշանակության օբյեկտների (Հայաստանի ատոմային էլեկտրակայան, գազի, ջրի, էլեկտրաէներգիայի, կապի սպասարկման կառույցներ և այլն), լրատվության պատասխանատուների և լրատվամիջոցների ներգրավմամբ: Միտում կա այն ընդլայնելու` ներգրավելով բոլոր ուսումնական հաստատություններն ու համայնքները, օբյեկտներն ու կազմակերպությունները:
Սիրելի գործընկերներ, տեղեկացնեմ Ձեզ, որ ՀՀ արտակարգ իրավիճակների նախարարությունը, իր 25-ամյա հոբելյանին ընդառաջ, նախաձեռնել է աղետների ռիսկի կառավարման հանրային մեծ լրարշավ և համապետական խաղ-վարժանք` երկրաշարժի և դրա երկրորդային հետևանքների սցենարով: Խաղ-վարժանքի, հանրային լրարշավի, ինչպես նաև դեկտեմբերի 7-ը հիշատակի և պատրաստվածության օր հայտարարելու նախաձեռնության վերաբերյալ առավել մանրամասն` շատ շուտով:
Ձեզ ենք ուղարկում «Հանրային իրազեկումը՝ որպես աղետների ռիսկի նվազեցման և կայուն զարգացման անկյունաքար» երևանյան 3-րդ միջազգային համաժողովի (2015թ. դեկտեմբեր), քաղպաշտպանության և երկրաշարժի դեպքում անվտանգության վարքականոնների վերաբերյալ օգտակար հղումներ.
2015 թ. դեկտեմբերի 15-16, «Հանրային իրազեկումը՝ որպես աղետների ռիսկի նվազեցման և կայուն զարգացման անկյունաքար» 3-րդ միջազգային համաժողով