Վլադիմիր Պուտինը և Ռեջեփ Թայիփ Էրդողանը հեռախոսազրույց են ունեցել
29-06-2016 17:17:22 | Ռուսաստան | Միջազգային
ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև հեռախոսազրույց է տեղի ունեցել:
Ինչպես տեղեկացնում է «Հուրրիյեթ»-ը՝ թուրքական նախագահական աղբյուրի հղումով, այսօր կայացած հեռախոսազրույցը «շատ դրական» է եղել:
Հեռախոսազրույցի մասին գրավոր հաղորդագրությունը կտարածվի ավելի ուշ:
Հայտնի է, որ նախագահների հեռախոսազրույցը տևել է 40 րոպե: Զրույցի մեկնարկի մասին ավելի վաղ հայտնել էր ՌԴ նախագահի մամուլի խոսնակ Դմիտրի Պեսկովը:
Երկու առաջնորդների այս հեռախոսազրույցն առաջինն է վերջին 7 ամիսների ընթացքում:
Թուրքիայի և Ռուսաստանի հարաբերությունները վատացել էին 2015 թվականի նոյեմբերին, երբ թուրքական կործանիչները խոցել էին ռուսական ռմբակոծիչը: Դրանից հետո Պուտինը տնտեսական պատժամիջոցներ էր սահմանել Թուրքիայի նկատմամբ: