Պակիստանում գնդակահարվել է թալիբների առաջնորդներից մեկը
01-07-2016 16:11:50 | Պակիստան | Հասարակություն
Պակիստանում զինված անհայտ անձիք սպանել են «Թալիբան» ծայրահեղական շարժման առաջնորդներից մեկին` Քարի Սայիդ Մուրադը: Interfax.ru-ի փոխանցմամբ` աֆղանական Khaama Press տեղեկատվական գործակալությունն` առանց աղբյուրի հղման, հաղորդել է, որ Մուրադը հանդիսանում է աֆղանական Նանգահար նահանգում թալիբների ռազմական խմբրի անդամ և սպանվել է Փեշավար քաղաքի Նասիր Բագ-ռոուդ թաղամասում:
Հաղորդվում է, որ Մուրադը գնդակահարվել է իր նստավայրի մոտակայքում: Պակիստանում գործող ոչ մի ծայրահեղական կազմակերպություն առայժմ չի ստանձնել սպանության պատասխանատվությունը:
«Թալիբան» շարժման ղեկավարությունից դեռևս չեն մեկնաբանել կատարվածը:
2016 թվականի սկզբին պակիստանյան Քվետա քաղաքում անհայտ զինված անձանց կողմից գնդակահարվել էր թալիբների մեկ այլ առաջնորդ` Մուլավի Ալամը:
ՀԱՅԵՐԵՆ
Русский
English
Դաս. հայերեն
French
