Օգոստոսի 5-ին ժամը 13.00-ին «Նոյյան Տապան» լրատվական գործակալության մամուլի սրահում տեղի ունեցավ ասուլիս հասարակական կազմակերպությունների ներկայացուցիչների մասնակցությամբ։
Թեման՝ «Երկրի ճակատագրով մտահոգ կազմակերպությունները միավորվում են.Ինչո՞ւ և ինչպե՞ս. Առաջիկա ծրագրեր և հետագա անելիքներ»։
Խաչատուր Մարոզյան - «Իրավաբանների ու հոգեբանների միջազգային ասոսացիա» ՀԿ նախագահ
Տիգրան Հովհանիսյան «Հայաստանի Ձեռներեցների Կոնֆեդերացիա» իրավաբանական անձանց միության նախագահ
Սեյրան Չիլինգարյան «Հայդուկ» հայրենասիրական-բարեգործական կազմակերպության փոխնախագահ
Բանախոսները կանդրադառնան նաև վերջին իրադարձություններին և հետագա հնարավոր զարգացումնրին։
Հ ՈՒ Շ Ա Գ Ի Ր
Հայաստանի Հանրապետություն
ք. Երևան 04.08.2016 թ.
«Հայաստանի ժողովուրդը, տևական ժամանակահատվածում գտնվելով պատերազմական իրավիճակում հարևան Ադրբեջանի հետ, սպառելով բոլոր ռեսուրսները, հայտնվել է ծանր սոցիալ – հոգեբանական դրության մեջ: Առավել անպաշտպան իրավիճակում են հայտնվել սոցիալապես խոցելի շերտերը, ազատամարտիկները և նրանց ընտանիքները, ինտելիգենցիայի ներկայացուցիչները, ուսուցիչները, տարեց - հաշմանդամները, իրենց երեխաներին միայնակ խնամող ծնողները: Կորել է հավատն միմյանց նկատմամբ: Մարդիկ կորցրել են հույսը վաղվա օրվա նկատմամբ և շատերը լքում են հարազատ տունն ու հայրենիքը, փորձելով հույս գտնել օտար ափերում: Պետությունը, չունենալով ռեսուրսներ, միջոցներ չի ձեռնարկում իրավիճակը բարելավելու ուղղությամբ, արդյունքում խորացնելով հուսահատությունը:
Մյուս կողմից իրավական և օրենսդրական կամայականության հետևանքով մանր ու միջին ձեռներեցների տարբեր խավեր պաշտպանված չեն և նրանք անտեսված են: Շատ դեպքերում իրավական անպաշտպանվածությանը գումարվում է մարդկանց իրավական գիտելիքների ցածր մակարդակը, որի պատճառով նրանք չեն կարողանում կայանալ և վաղ թե ուշ բռնում են արտագաղթի ճանապարհը:
Մենք այժմ թևակոխել ենք սոցիալ – հոգեբանական մի ճգնաժամի մեջ, որը հասարակության համար խիստ վտանգավոր լինելուց զատ ազգակործան է և տանում է դեպի ինքնաոչնչացում: Այս ճգնաժամից դուրս գալու ելքեր գտնելու համար նախ հարկավոր է փորձել գործուն կապ և փոխհամագործակցություն հաստատել հասարակության բոլոր խավերի միջև, հրավիրել համագործակցության հասարակական կազմակերպություններին, անհատ ձենռարկատերերին, ընտանիքներին, դպրոցներին, կրթական բոլոր հաստատություններին, բարերարներին, ձեռներեցներին, հասարակության մեջ դիրք ունեցող անձանց:
Ելնելով ստեղծված ծանր իրավիճակից, իրատեսորեն գնահատելով պատմական պահը և գիտակցելով բարձր պատասխանատվությունը սեփական ժողովրդի նկատմամբ, նպատակ ունենալով ազգի գոյատևման ու բարգավաճման ապահովումը, <Հայդուկ> հայրենասիրական բարեգործական հասարակական կազմակերպությունը,․․․․․․․<Հայաստանի Ձեռներեցների Կոնֆեդեռացիա> իրավաբանական անձանց միությունը,․․․․․․․/մյուս մասնակիցների կամ ձեռնարկատերերի անունները, որոնք ստորագրում են հուշագիրը և հանդիսանում են հիմնադիրներ/ միավորելով իրենց ջանքերը երկրում ստեղծված ծանր իրավիճակը փոխելու և ճգնաժամից դուրս գալու համար, ստեղծում են ՊԱՇՏՊԱՆՈՒԹՅԱՆ ԿՈՄԻՏԵ ներկայացուցչական մարմին, որը կամավորության և հրապարակայնության սկզբունքով իրականացնում է ԱՆՀԱՏԻ, ԸՆՏԱՆԻՔԻ, ՊԵՏՈՒԹՅԱՆ, ԱԶԳԻ շահերի պաշտպանության հրատապ ծրագրեր, այդ թվում.
1. Օրինական հիմքերի վրա դնել ու պաշտպանել ձեռներեցների և տարբեր սոցիալական խավերի ներկայացուցիչների ջանքերը սեփական բիզնեսի հիմնադրման և նրանց համար բարեկեցիկ ապագայի ստեղծման ուղղությամբ:
2. Սստեղել արհմիութենական կազմակերպություններ բոլոր ասպարեզներում, վճարվող մեծաթիվ հարկերից որոշ մասն ուղղորդել նպատակային սոցիալական ծրագրերի իրականացման ուղղությամբ:
3. Սոցիալապես խոցելի խմբերի սոցիալական խնդիրները լուծելու համար իրականացնել սոցիալական աջակցության ծրագրեր: Կազմակերպել դասընթացներ բիզնեսի պաշտպանության տարբեր ուղղություններով: պատրաստվածությունը սեփական բիզնեսը վարելու ուղղությամբ
4. Երկրում մեր քաղաքացիների ռազմական, ռազմաքաղաքական և ռազմահայրենասիրական պատրաստվածության և այդ բնագավառում գիտելիքների բարձրացման ուղղությամբ իրականացնել գործնական քայլեր, կազմակերպել սեմինարներ ու դասընթացներ:
5. Հաշվի առնելով միջազգային հարաբերություններում ստեղծված իրավիճակը հանդես գալ հայտարարություններով:
6. Հրավիրել համագործակցության ՀՀ Կառավարությանը և պետական մարմիններին, հանդես գալ միասնական ճակատով:
Սույն հուշագրի կողմ են հանդիսանում բոլոր մասնակիցները, որոնք իրենց նպաստը կբերեն ՊԱՇՏՊԱՆՈՒԹՅԱՆ ԿՈՄԻՏԵԻ նպատակների իրականացման գործում:
Կատարվող և կատարվելիք բոլոր քայլերի ու ծրագրերի մասին պարբերաբար կկազմակերպվեն բաց ու թափանցիկ քննարկումներ մամուլի ներկայացուցիչների մասնակցությամբ: Մշտական գործող մարմինը հիմնադիրների խորհուրդն է, որը որոշումներ կկայացնի ձայների պարզ մեծամասնությամբ»:
ՀԻՄՆԱԴԻՐՆԵՐ
1. <Հայդուկ> հայրենասիրական բարեգործական հասարակական կազմակերպություն։
2. <Հայաստանի Ձեռներեցների Կոնֆեդեռացիա> իրավաբանական անձանց միություն։
3. <Իրավաբանների և հոգեբանների միջազգային ասոցիացիա> հասարակական կազմակերպություն։
Ասուլիսին ներկա լրատվամիւոցները
Հավելյալ տեղեկությունների համար դիմել՝ 060-35-11-24 կամ 093-669-339 հեռախոսահամարներով՝ Մարի Պետրոսյանին։