Մերձավոր Արևելքի ապագան կվորոշեն ժողովուրդները, որոնք պայքարում են ահաբեկչության դեմ. Ասադ
04-08-2016 18:49:32 | Սիրիա | Հասարակություն
Մերձավոր Արևելքի ապագան կվորոշեն ժողովուրդները, որոնք պայքարում են ահաբեկչության դեմ: tass.ru-ի փոխանցմամբ` այդ մասին հայտարարել է Սիրիայի նախագահ Բաշար Ասադն Իրանի մեջլիսի ազգային անվտանգության և արտաքին քաղաքականության հանձնաժողովի ղեկավար Ալաեդին Բորուջերիի հետ Դամասկոսում կայացած հանդիպման ընթացքում:
Հարցազրույցից որոշ հատվածներ հրապարակվել են սիրիացի նախագահի գրասենյակի կայքում:
«Մերձավորարևելյան տարածաշրջանի ապագան որոշելու են այն ժողովուրդները, որոնք զոհեր են տալիս ահաբեկչության դեմ պայքարում, կանգնած են իրենց հայրենիքի պաշտպանության համար»,- նշել է Ասադը:
Զրուցակիցներն անդրադարձել են նաև որոշ երկրների համառությանը, որոնք շարունակում են աջակցել ծայրահեղականների չպատճառաբանված քաղաքականությունը, որը նպաստում է ահաբեկչության տարածմանը:
Իր հերթին իրանցի խորհրդականը կարծիք է հայտնել, որ սիրիական բանակի գործողությունները փաստացի կանխել են ամբողջ տարածաշրջանի հնարավոր վերացումը քարտեզի վրայից: