Ռուսաստանն այլևս չի օգտագործում Համադանում գտնվող ռազմաբազան. Իրանի արտգործնախարարություն
22-08-2016 14:36:34 | Իրան | Միջազգային
Ռուսաստանն ավարտել է Իրանում Համադան ռազմական բազայի օգտագործումը: korrespondent.net-ի փոխանցմամբ` այդ մասին հայտարարել են Իրանի արտգործնախարարությունում:
«Ռուսաստանն Իրանում չունի բազա: Նրանք իրականացնում էին գործողություն, որն այդ պահին ավարտված է»,- նշել են նախարարությունում:
Ավելի վաղ, ԶԼՄ-ները գրել էին, որ Ռուսաստանի Պաշտպանության նախարարությունը դիմել է Իրաքին և Իրանին վերջիններիս օդային տարածքով թևավոր հրթիռների թռիչքներ իրականացնելու թույլտվության խնդրանքով:
Օգոստոսի 16-ին պարզ էր դարձել, որ ռուսական հրթիռակոծիչները ժամանել են Համադանում գտնվող իրանական բազա: Ենթադրվում է, որ Իրաքը թույլատրել է ռուսական թևավոր հրթիռներին թռչել իր օդային տարածքով: Միևնույն ժամանակ Թեհրանը նշել է, որ Ռուսաստանը կարող է օգտագործել իրանական ավիաբազան Համադանում այնքան ժամանակով, որքանով որ հարկ կհամարի:
ՀԱՅԵՐԵՆ
Русский
English
Դաս. հայերեն
French
