Իսրայելում հանցավոր խմբավորումը ստիպել է ուկրաինացի հաշմանդամներին մուրացկանությամբ զբաղվել
23-08-2016 18:18:02 | Իսրայել | Հասարակություն
Իսրայելական ոստիկանությունը ձերբակալել է վեց կասկածյալների, ովքեր Ուկրաինաից Իսրայել են բերել խուլերի և ստիպել մուրացկանությամբ զբաղվել:
korrespondent.net-ի փոխանցմամբ`այդ մասին հայտնել է իրավապահ մարմինների պաշտոնական ներկայացուցիչ Միխայել Զինգերմանը:
Հետախուզության տվյալներով` հաշմանդամություն ունեցող անձանց ստիպել են աշխատել` նրանցից խլելով անձնագրերը, պարբերաբար ծեծելով և նրանցից վերցնելով հավաքված ամբողջ գումարները:
Տեղեկացվում է, որ ոստիկանները միգրացիոն ծառայության աշխատակիցների հետ մեկտեղ բնակարաններից մեկում հայտնաբերել են 10 ուկրաինացի հաշմանդամների, սակայն հետախուզությունը ենթադրում է, որ տուժողների թիվն ավելի շատ:
«Ինչպես մենք պարզեցինք, այս մաբողջ գործընթացը ձգվում է մոտավորապես տարի ու կես: Որոշ խմբեր բերվել են, հետո նրանց ճանապարհել են և բերել նորերին: Ամենայն հավանականությամբ մարդկանց խաբեությամբ Իսրայել են բերել ծանոթների և սոցիալական ցանցերի միջոցով: Գործողությունները ընթացել են Ուկրաինայում»,- ասել է Զինգերմանը:
ՀԱՅԵՐԵՆ
Русский
English
Դաս. հայերեն
French
