Թուրքիան և ԵՄ-ն Անկարայում քննարկելու են փոխադարձ շահերն ու մտահոգությունները
26-08-2016 18:08:00 | Բելգիա | Միջազգային
Թուրքիան և Եվրոպական միությունը սեպտեմբերի 9-ին քննարկելու են երկու երկրների շահերը և մտահոգությունները: tass.ru-ի փոխանցմամբ` այդ մասին հայտարարել է ԵՄ դիվանագիտության ղեկավար Ֆեդերիկա Մոգերինին:
Նրա փոխանցմամբ` ԵՄ- Թուրքիա հերթական երկխոսությունն Անկարայում անցկացվելու է բարձր մակարդակով, որին մասնակցելու է նաև ինքը և եվրահանձնակատար Յոհաննես Խանը:
Հանդիպման ընթացքում քննարկվելու են այն բոլոր հարցերը, որոնք ներկայացնում են փոխադարձ հետաքրքրություններն ու անհանգստությունները:
Ֆ. Մոգերինին ընդգծել է, որ Թուրքիան հանդիսանում է ԵՄ անդամակցության թեկնածու երկիր և Եվրամիության առանցքային գործընկեր: