«KINGS ON ICE PRESENT- FASHION ON ICE» սառցեշոու գեղասահքի, էստրադայի աստղերի, հանրահայտ երաժիշտների, մոդելավորողների մասնակցությամբ
29-08-2016 19:10:30 | Հայաստան | Մշակույթ
Ֆորպոստարտ պրոդաքշընը նոյեմբերի 27-ին ներկայացնելու է «KINGS ON ICE PRESENT- FASHION ON ICE» նոր եւ անզուգական սառցեշոու ն: Այն մոլորակի լավագույն ներկայացումն է սառույցի վրա. միայն չեմպիոններ ու համաշխարհային գեղասահքի էլիտան:
Ֆորպոստարտ պրոդաքշընը և Արի Զաքարյանը նոր հայացքի ներքո ներկայացնում են սառցե շոուն նոր ձևաչափում: Շոուի բեմականացումը ստանձնել են հատուկ հրավիրված պարարվեստի մասնագետներ ու ռեժիսորներ, սցենարիստներ ու ձևավորողներ, գեղանկարիչներ: Մեր պատմությունը դուրս է ժամանակից և սահմաններից:
«KINGS ON ICE PRESENTS - FASHION ON ICE» շոուն համաշխարհային մակարդակի շոու է՝ սառույցի արքա Եվգենի Պլյուշչենկոյի մասնակցությամբ:
Շոուի մասնակիցները գեղասահքի, էստրադայի աստղեր են, հանրահայտ երաժիշտներ, մոդելավորողներ:
Շոուի ընթացքում կներկայացվեն նաեւ աշխարհահռչակ դիզայներների նորաձևության հավաքածուներ: Սա աննախադեպ շոու է օլիմպիական չեմպիոնների մասնակցությամբ: Այն Հայաստանում երբևիցե կայացած ամենավառ և փառահեղ իրադարձությունն է , որտեղ դասական և փոփ երաժշտությունը, գլամուրը և սահքը սառույցի վրա միավորվում են որպես կախարդիչ մի հեքիաթ: Սա շոու է, որտեղ միաձուլվում են հոյակապ երաժշտությունը, գեղեցկությունը, նորաձևությունը և պարը սառույցիվրա: Բեմում իրադարձությունները կզարգանան օպերային և փոփ կոմպոզիցիաների ներքո, որոնք ջերմ ու պայծառ հույզերով կպարուրեն ներկաներին:
Այս ամենը նոր շոու է՝ բեմականացված հատուկ երևանյան հանդիսատեսի համար: Անկրկնելի և բացառիկ ներկայացման պրիմիերա, որտեղ սպորտը, երաժշտությունը և նորաձևությունը հանդես են գալիս որպես գեղագիտության անբաժանելի մաս:
Իրենց անզուգական եւ գեղեցիկ կատարումներով հանդես կգան համաշխարհային գեղասահքի լեգենդ Եվգենի Պլյուշչենկոն, սիրված և գնահատված երգչուհի Մարիամ Մերաբովան:
Ըստ միջոցառման կազմակերպիչների, բեմական և լուսային էֆեկտները, գործողության անսպասելի տեղաշարժերը, լույսերի և տեսաշարքի կախարդիչ մթնոլորտը սառցե շոուի վառ ձևավորումերի մասն են կազմում,որտեղ բեմում փայլում են սառույցի և երաժշտության աստղերը, իսկ սպորտային, գործնական և երեկոյան հագուստների ցուցադրությունը իրենց համար նոր և հետաքրքիր դերում կատարում են կինոյի, թատրոնի, հեռուստատեսության և էստրադայի արտիստները:
ՀԱՅԵՐԵՆ
Русский
English
Դաս. հայերեն
French
