Փհենյանը Սեուլին քննադատել է առճակատման բնույթի ֆիլմերի ցուցադրման համար
30-08-2016 13:15:17 | Կորեայի Հանր. | Միջազգային
Հյուսիսային Կորեայի կինեմատոգրաֆների միության ներկայացուցիչը կտրուկ քննադատական ելույթով է հանդես եկել հարավկորեական իշխանությունների հասցեին ուղղված, որոնք հարկատուների փողերը ծախսում են ազգային հանրապետության արժանապատվությունը վիրավորող և Հարավի և Հյուսիսի հայրենակիցների միջև առճակատմանը նպաստող ֆիլմերի զանգվածային արտադրության վրա:
tass.ru-ի փոխանցմամբ` վերջին շրջանում Կորեայի Հանրապետության էկրաններից ցուցադրվում են պատվիրված և ռազմական սադրանքները խրախուսող, Հյուսիսային Կորեայի նկատմամբ ագրեսիա հրահրող կինոժապավեններ:
Հյուսիսային Կորեայի կինեմատոգրաֆների միության տվյալներով` չնայած բողոքների հարավկորեական ռեժիմը շարունակում է հաստատակամ մնալ երկրի գլխավոր կինոթատրոններում նման քարոզչական ֆիլմերի ցուցադրման հարցում:
Փհենյանում ենթադրում են, որ նման քաղաքականությունը միջկորեական հարաբերությունները հասցնում է աղետալի վիճակի:
Տեղի կինեմատոգրաֆներն իրենց հերթին քննադատել են Սեուլին արևմտյան կինոժապավենների վարձակալման համար քվոտաների ավելացումը, ինչը հանգեցնում է կորեական մշակույթի կործանմանը, ազգին զրկում է ինքնազարգացումից, որին փոխարինելու են գալիս ամերիկանացումը, ճապոնականցումը, արևմտացումը:
ՀԱՅԵՐԵՆ
Русский
English
Դաս. հայերեն
French
