Սեպտեմբերի 2-ին անցկացվելիք հանրահավաքը լայն արձագանք կգտնի ժողովրդի կողմից.Անդրիաս Ղուկասյան
30-08-2016 14:26:41 | Հայաստան | Մամլո հաղորդագրություն
Անդրիաս Ղուկասյանի նամակը` Ժիրայր Սէֆիլյանին.
Հարգելի Ժիրայր Սէֆիլյան
Օգոստոսի 1-ին, կալանավորվելու ժամանակ, կոչով դիմեցի ժողովրդին՝ շարունակել պայքարը, հաստատել Հայաստանում սահմանադրական կարգ ու վերականգնել արդարադատությունը: Հացադուլ հայտարարելով` հետապնդել եմ 3 նպատակ.
առավել ուշադրություն հրավիրել հուլիսի 29-ին Սարի թաղում ոստիկանության ապօրինի ուժ գործադրելու եւ քաղաքացիներին ձերբակալելու փաստին,
աջակցել շարժմանը` քաղաքացիների համախմբման գործում,
շարունակել անմիջական մասնակցել քաղաքական պայքարին:
Եթե առաջին խնդիրն այսօր որոշ չափով կատարված է, ապա երկրորդը դեռևս գտնվում է անբավարար վիճակում: Կարծում եմ, եկել է ժամանակը՝ կյանքի կոչելու Ժողովրդի Վստահության Կառավարության եւ արտահերթ նախագահական ընտրությունների գաղափարը: Համոզված եմ, բոլոր քաղբանտարկյալների միասնական հորդորը` սեպտեմբերի 2-ին միանալ Ազատության հրապարակում անցկացվելիք հանրահավաքին, լայն արձագանք կգտնի ժողովրդի կողմից:
ՀԱՅԵՐԵՆ
Русский
English
Դաս. հայերեն
French
