Էկվադորում դպրոցի տարածքում պայթած ձեռքի նռնակի արդյունքում զոհվել է մեկ, վիրավորվել 13 մարդ
02-09-2016 11:56:06 | Էկվադոր | Հասարակություն
Էկվադորում դպրոցներից մեկի տարածքում որոտացած պայթյունի արդյունքում առնվազն զոհվել է մեկ մարդ, ևս 13-ը` ստացել մարմնական վնասվածքներ:
tass.ru-ի փոխանցմամբ` էկվադորյան Ներքին գործերի նախարար Խոսե Սերանոն հաղորդել է, որ ուսումնական հաստատության տարածքում պայթել է ձեռքի նռնակ, որն իր հետ դպրոց է տարել սովորողներից մեկը:
«Ներկա պահին անցկացվում է միջադեպի հետաքննության հանգամանքները, տուժածները հոսպիտալացվել են»,- նշել է նախարարը:
Վերջինիս խոսքերով` առայժմ բացահայտված չէ ձեռքի նռնակի ծագումը և դպրոցականի շարժառիթները:
Ըստ նախնական վարկածի` պայթյունը տեղի է ունեցել զինամթերքի հետ անզգույշ վարվելու հետևանքով: