Չինացին ինքն իրեն պայթեցրել է ամուսնալուծության դատի ժամանակ
06-09-2016 12:28:08 | Չինաստան | Հասարակություն
Չինաստանի Ցզիսի քաղաքում մի տղամարդ ինքն իրեն պայթեցրել է դատարանի մոտակայքում, որտեղ պետք է կայանար իր և կնոջ ամուսնալուծության դատական նիստը:
Korrespondent.net-ի փոխանցմամբ, պատահարի գլխավոր դերակատարը, ում ազգանունը Վան է, ամուսնալուծական դատավարությունից առաջ վեճի է բռնվել կնոջ հետ, ապա գնացել է տեղական դատարանի մոտ, և երբ իր կինը դուրս է եկել շենքից, պայթուցիկ փոքր սարքով պայթեցրել է ինքն իրեն:
Պայթյունի հետևանքով, տղամարդը տեղում մահացել է, իսկ նրա կինը և մեկ անցորդ ստացել են թեթև մարմնական վնասվածքներ: