Թուրքիայի ռազմաօդային ուժերն Իրաքի հյուսիսում խոցել են 12 նպատակակետ
06-09-2016 16:12:16 | Թուրքիա | Միջազգային
Թուրքիայի ռազմաօդային ուժերը սեպտեմբերի 5-ի երեկոյան ավիահարվածներ են հասցրել Իրաքի հյուսիսում 12 նպատակակետերի ուղղությամբ:
korrespondent.net-ի փոխանցմամբ` նպատակակետերը գտնվել են իրաքյան Մեթին և Հաքուրք շրջաններում:
Աղբյուրի տեղեկացմամբ` Թուրքիայի Զինված ուժերի գլխավոր շտաբի հաղորդագրությունում նշվում է, որ Իրաքի հյուսիսային Գար շրջանում ոչնչացվել է 30 ահաբեկիչ, այդ թվում զինյալների ղեկավարներ: Օդային հարձակումն իրականացվել է հետախուզական տվյալների հիման վրա, որոնք ստացվել են անօդաչու թռչող սարքերի միջոցով:
Թուրք զինվորականները պարզաբանել են, որ ավիահարվածները հասցվել են երկրում արգելված Քուրդիստանի բանվորական կազմակերպության ապստամբներին: Նրանց կողմնակիցները երեք տասնյակ տարիների ընթացքում ձգտում են Թուրքիայի հարավ-արևելքում ստեղծել քրդական ինքնավարություն: