«Գառնեցիները պետք է ընտրության գնան խղճի անաղարտ թելադրանքով».Արուսյակ Այվազյան (Տեսանյութ)
29-09-2016 12:00:00 | Հայաստան | Մամուլի սրահ
Սեպտեմբերի 29-ին ժամը 12.00-ին «Նոյյան Տապան» լրատվական գործակալության մամուլի սրահում տեղի է ունեցավ ՏԻՄ ընտրություններում Կոտայքի մարզի Գառնի համայնքում որպես գյուղապետի թեկնածու առաջադրված՝ Ազատ գետի անխոչընդոտ հոսքի համար պայքարող անկուսակցական Արուսյակ Այվազյանի և նրա վստահված անձանցից Գրիզելդա Ղազարյանի ու Արմինե Պետրոսյանի ասուլիսը։
Թեմա՝ «Նախընտրական ծրագիր. համայնքային խնդիրներ և բարեփոխումներ»։
Թեմայի վերաբերյալ.
Կոտայքի մարզի Գառնի համայնքի ՏԻՄ ընտրությունները կկայանան հոկտեմբերի 2-ին, որտեղ գրանցված թեկնածուները չորսն են՝ գործող գյուղապետ նախկին ԲՀԿ-ական Աշոտ Վարդանյանը, ՀՀԿ-ական Ահարոն Սահակյանը, ՀՅԴ-ական Տիգրան Կարապետյանը և անկուսակցական Արուսյակ Այվազյանը։
4. Զբաղվել սոցիալապես անապահով խավին աշխատանքով ու բարեկեցիկ կյանքով ապահովելու խնդրով, հնարավորինս օգտագործել նաև սփյուռքի ներուժը:
5. Զարգացնել զբոսաշրջությունը, ավելի գրավիչ ու գեղատեսիլ դարձնել Գառնիի ձորը և հաստատապես ընդմիշտ անվտանգ դարձնել Ազատ գետի անխաթար հոսքը:
6. Հատուկ ուշադրություն դարձնել դպրոցաշինությանն ու նոր մանկապարտեզների կառուցմանը: Առանձնահատուկ գորովանքով վերաբերվել սերունդների ուսմանն ու հայրենապաշտորեն դաստիարակմանը:
7. Հետամուտ լինել փողոցների լուսավորության ու ասֆալտապատման խնդիրներին:
8. Վերհանել համայնքում առօրյա խնդիրները և փորձել հնարավորինս ճիշտ լուծում տալ:
9. Մեր համայնքում ակտիվացնել մշակութային կյանքը, աջակցել տաղանդավոր երեխաներին ներկայանալու հանրությանը:
10. Զբաղվել բնակարանաշինության հարցերով` ներդրումների միջոցով:
11. Սփյուռք-հայրենիք փոխվստահության ու սերտ համագործակցության մթնոլորտի կայուն ձևավորում, կապերի ամրապնդում ու հարատև միասնական նպատակների իրականացման ամրագրում:
12. Առաջնորդվել խղճի անաղարտ թելադրանքով, թափանցիկ գործելաոճով, որոնք կապահովեն մեր համայնքի երիտասարդությանն ու ընդհանրապես ազգը աշխարհին ներկայացնելու հավուր պատշաճի, որը կնպաստի հայրենիքի հիմքի ամրապնդմանն ու նրա հզորացմանը։