Ղազախստանը ԵԱՀԿ-ում նախագահության ժամանակ չեզոքություն
կպահպանի Ղարաբաղյան հիմնախնդրի շուրջ
12-02-2010 21:00:00 | Ղազախստան | Քաղաքական
ՂԱԶԱԽՍՏԱՆ, 12 ՓԵՏՐՎԱՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Ադրբեջանում
Ղազախստանի դեսպանատան խորհրդական Շամիլ Ստամկուլովը ԵԱՀԿ գործող
նախագահ Կանատ Սաուդաբաեւի` տարածաշրջան կատարելիք այցի վերաբերյալ
քննարկումներում անդրադարձել է Ղարաբաղյան հակամարտության խնդրի
շուրջ Ղազախստանի դիրքորոշմանը: Ադրբեջանական «ԱՊԱ» լրատվական
գործակալության տարածած տեղեկությունների համաձայն` վերջինս
հայտնել է, որ ԵԱՀԿ-ում նախագահության ժամանակ Ղազախստանը
չեզոքություն կպահպանի հիմնահարցի շուրջ: Վերջինս իր խոսքում նշել
է ԵԱՀԿ շրջանակներում մշակված որոշումները կիրառելու
անհրաժեշտության ու կարեւորության մասին: