Չեղարկվել է Արթուր Աբրահամ-Մարտին Մյուրեյ մենամարտը
26-10-2016 15:32:27 | Գերմանիա | Սպորտ
Ինչպես ավելի վաղ տեղեկացրել եմ` հայ պրոֆեսիոնալ բռնցքամարտիկ Արթուր Աբրահամը պատրաստվում էր գալիք մենամարտին, որը նախանշված էր նոյեմբերի 12-ին Մոնտե Կառլոյում: Մրցակիցը բրիտանացի Մարտին Մյուրեյն էր, ում հետ մեր հայրենակիցն արդեն մեկ անգամ մենամարտել է: Աբրահամի եւ Մյուրեյի միջեւ առաջին մենամարտը տեղի է ունեցել 2015-ի նոյեմբերին եւ ավարտվել է Արթուրի հաղթանակով:
Հայտնում եմ, որ նոյեմբերի 12-ի մանամարտը չեղարկվել է, քանի որ մարզումների ընթացքում` սփարինգ մենամարտի ժամանակ, Արթուր Աբրահամը վնասել է արմունկը: Մեր հայրենակիցը երեք շաբաթ պետք է դադարեցնի մարզումները:
Թե երբ կկայանա Արթուր Աբրահամի գալիք մենամարտը և ով կլինի մրցակիցը, դեռ որոշված չէ:
Հարգանքով` Արթուր Աբրահամի մամլո խոսնակ Սիրան Գրիգորյան
ՀԱՅԵՐԵՆ
Русский
English
Դաս. հայերեն
French
