Նախարար Վահան Մարտիրոսյանը ընդունել է ՀՀ-ում Բելառուսի արտակարգ և լիազոր դեսպան Իգոր Նազարուկին
26-10-2016 16:03:25 | Հայաստան | Տնտեսություն
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հոկտեմբերի 26-ին ընդունեց Հայաստանում Բելառուսի արտակարգ և լիազոր դեսպան Իգոր Նազարուկին:
Ողջունելով դեսպանին՝ Վ. Մարտիրոսյանը նշեց, որ Հայաստանի և Բելառուսի միջև հատկապես տրանսպորտի ոլորտում կա համագործակցության հարուստ փորձ և համոզմունք հայտնեց, որ հետագա աշխատանքները ևս արդյունավետ կլինեն։
Անդրադառնալով ՏՏ ոլորտի զարգացման հնարավորություններին՝ նախարարն առաջարկեց քայլեր ձեռնարկել այս ոլորտում երկու երկրների միջև համատեղ իրականացվող ծրագրերն ընդլայնելու և զարգացնելու ուղղությամբ։
Իգոր Նազարուկը, շնորհավորելով Վ. Մարտիրոսյանին նախարարի պաշտոնում նշանակվելու կապակցությամբ, հույս հայտնեց, որ տրանսպորտի, կապի և տեղեկատվական տեխնոլոգիաների ոլորտում երկու երկրների միջև առկա սերտ համագործակցությունն առաջիկայում էլ ավելի կամրապնդվի:
Հանդիպման ընթացքում քննարկվեցին նաև Հայաստանից Բելառուս և հակառակ ուղղությամբ իրականացվող բեռնափոխադրումների և ուղևորափոխադրումների, ճանապարհաշինության, կապի և հեռահաղորդակցության ոլորտներին առնչվող, ինչպես նաև փոխադարձ հետաքրքրություն ներկայացնող մի շարք այլ հարցեր:
ՀԱՅԵՐԵՆ
Русский
English
Դաս. հայերեն
French
