ՀՀն ու ՌԴն սկսել են մարտական տանկերի արդիականացման լայնածավալ ծրագիր
27-10-2016 17:46:09 | Հայաստան | Ի՞նչ է գրում մամուլը
Հայաստանն ու Ռուսաստանը սկսել են լայնածավալ ծրագիր` ուղղված հիմնական մարտական տանկերի (T72) արդիականացմանը:
Այս մասին հաղորդում է «Արմենպրես»ը` վկայակոչելով «izvestia.ru»ն: Տանկերը կարդիականացվեն` հասցնելով «Т72Б4»ի մակարդակի, որով ելույթ են ունեցել «Տանկային բիաթլոն»ի մասնակից թիմերը: Ուշագրավ է, որ ավելի վաղ Հայաստանի պաշտպանության նախարարությունը նախատեսել էր տանկերի արդիականացման պայմանագիր կնքել լեհական «Bumar Łabędy» ընկերության հետ: Ինչպես տեղեկացրել է ՀՀ պաշտպանության նախարարության մամուլի խոսնակ Արծրուն Հովհաննիսյանը, տանկերի արդիականացման գործընթացն արդեն սկսվել է: Նրա խոսքով՝ արդիականացվող տանկերի թվի և աշխատանքների ժամկետների մասին տեղեկությունները դեռ հստակ չեն: «Իզվեստիա»ի աղբյուրը տեղեկացրել է, որ խոսքը մի քանի տասնյակ միավոր տանկերի մասին է: