Տիգրան Վ. Մարտիրոսյանը՝ օլիմպիական խաղերի փոխչեմպիոն. Բելառուս ծանրորդը որակազրկվել է
27-10-2016 19:19:03 | Հայաստան | Ի՞նչ է գրում մամուլը
Միջազգային օլիմպիական կոմիտեն որակազրկել է բելառուս ծանրորդ Անդրեյ Ռիբակովին:
2008 թվականի Պեկինի օլիմպիական խաղերի արծաթե մեդալակրի դոպինգ թեստը վերստուգվել է և հայտնաբերվել է մարզիկի կողմից արգելված խթանիչներ օգտագործելու փաստը:
Պեկինի օլիմպիական խաղերում Ռիբակովի հետ միասին 85 կգ քաշային կարգում հանդես էր եկել նաև Տիգրան Վ. Մարտիրոսյանը, ով նվաճել էր բրոնզե մեդալ,սակայն այս դեպքից հետո, հայ ծանրորդը պաշտոնապես դառնալու է օլիմպիական խաղերի փոխչեմպիոն: ՄՕԿ-ը Ռիբակովից հետ է պահանջել օլիմպիական խաղերի արծաթե մեդալը և հավաստագիրը:
Հատկանշական է, որ մինչև այժմ Ռիբակովին է պատկանում 85 կգ քաշային կարգի պոկում վարժության աշխարհի ռեկորդը (187 կգ), որը բելառուս մարզիկը գրանցել է 2007 թվականի աշխարհի առաջնության ժամանակ:
ՀԱՅԵՐԵՆ
Русский
English
Դաս. հայերեն
French
