Չինաստանում ածխի հանքում հնչած պայթյունի արդյունքում զոհվել է 33 հանքափոր
02-11-2016 16:31:07 | Չինաստան | Հասարակություն
Չինաստանի Ցզինշանհոյ ածխի հանքում տեղի ունեցած պայթյունի արդյունքում զոհվել է 33 մարդ:
Interfax.ru-ի փոխանցմամբ` հանքը գտնվում է Չունցին նահանգի Լայսու քաղաքում: Պայթյունի պահին գետնի տակ գտնվել են 35 հանքափորներ, որոնցից երկուսին հաջողվել է փրկվել:
Աղբյուրի տեղեկացմամբ` առայժմ շարունակվում է աղետի պատճառների հետաքննությունը, սակայն նախնական գնահատականները ցույց են տալիս, որ հանքում չեն պահպանվել անվտանգության կանոնները, ներառյալ վատ օդափոխությունը:
Սինգապուրյան Channel NewsAsia հեռուստաալիքը նշում է, որ Չինաստանը հանդիսանում է աշխարհում ածխի խոշորագույն արտադրողը և մահացու ելքով դեպքերը չինական հանքերում հաճախակի հանդիպող երևույթներ են: