Թուրքիայի իշխանությունները հայտարարել են Եվրամիության հետ հարաբերություններում դժվարին փուլի մասին
07-11-2016 18:17:43 | Թուրքիա | Միջազգային
Թուրքիան անհրաժեշտ է համարում Եվրամիությում երկխոսության նոր ուղղություններ բացել և հասնել սերտ փոխհարաբերությունների շարունակության: tass.ru-ի փոխանցմամբ` այդ մասին հայտարարել է Թուրքիայի ԵՄ գործերով նախարար Օմար Չելիկը Եվրամիության անդամ պետությունների դեսպանների հետ հանդիպումից հետո:
«Մեր հարաբերությունները ԵՄ-ի հետ հիմա շատ փխրուն փուլում են գտնվում, սակայն մենք հնարավորություն չենք տա, որպեսզի մեր հարաբերությունները խզվեն»,- ասել է նա:
Վերջինս նաև նշել է, որ ԵՄ-ի և Թուրքիայի միջև երկխոսությունում խնդրահարույց հարցերից է «Քուրդիստանի բանվորական կուսակցությունը» (ՔԲԿ), որը Թուրքիայում ճանաչվել է որպես ահաբեկչական:
Օ. Չելիկը դժգոհել է, որ այդ մասին ԵՄ-ում բացեիբաց չեն խոսում, մինչդեռ Եվրամիությունը պետք է փոխի իր երկակի ստանդարտները «Քուրդիաստանի բանվորական կուսակցության» նկատմամբ:
Նրա կարծիքով` օրինակ բելգիական դատարանի որոշումը չճանաչել ՔԲԿ-ն ահաբեկչական, համարվում է մարդու իրավունքների մասին կոնվեցիայի խախտում:
ՀԱՅԵՐԵՆ
Русский
English
Դաս. հայերեն
French
