Անկարան գնալով հեռանում է Եվրամիությունից. ԵՄ նախագահ
08-11-2016 17:13:26 | Բելգիա | Հասարակություն
«Թուրքիան ավելի ու ավելի է հեռանում Եվրոպական Միությունից», - հայտարարել է Եվրոպական հանձնաժողովի ղեկավար Ժան-Կլոդ Յունկերը: Tass-ի փոխանցմամբ ԵՄ ղեկավարն այս մասին տեղեկացրել է Բրյուգեում գտնվող Եվրոպական քոլեջում տեղի ունեցած ելույթի ժամանակ:
«Ոչ թե Եվրոպան է հեռանում Թուրքիայից, այլ հենց պաշտոնական Անկարան է փորձում առանձնանալ մեզնից: Թուրքիային վիզային ռեժիմ չտրամադրելու մեղավորը կլինի միայն երկրի նախագահ Ռեջեփ Թայիբ Էրդողանը, քանի որ, գնալով ավելի եմ համոզվում, որ նա չի ցանկանում հետևել եվրոպական չափանիշներին», - մեջբերվում է Յունկերի խոսքերից:
Ըստ նրա, Թուրքիան պետք է Եվրոպային, սակայն նրանք չեն կարող դեմ գնալ իրենց կարևոր սկզբունքներին:
Հավելենք, որ Եվրահանձնաժողովը չի վերացնի վիզային ռեժիմը պաշտոնական Անկարայի համար այնքան ժամանակ, քանի դեռ չեն բավարարվել իրենց պահանջները:
ՀԱՅԵՐԵՆ
Русский
English
Դաս. հայերեն
French
