Նախարարությունում հյուընկալվել է Հայաստանի պաուերլիֆտինգի (եռամարտ) հավաքական թիմը
09-11-2016 19:10:11 | Հայաստան | Սպորտ
ՀՀ սպորտի և երիտասարդության հարցերի նախա-րարության դահլիճում նախարարության աշխատակազմի ղեկավար Վահե Էլոյանն ընդունել է պաուերլիֆտինգի ՀՀ հավաքականին և ֆեդերացիայի ներկայացուցիչներին:
Վ. Էլոյանը շնորհավորել է Ուկրաինայի Լուցք քաղաքում անցկացված պաուերլիֆտինգի Եվրոպայի առաջնությունում հայ մարզիկների գրանցած հաջողությունների համար:
Հայաստանի պաուերլիֆտինգի ֆեդերացիայի նախագահ Գագիկ Սարոյանը շնորհակալություն է հայտնել ընդունելության համար, ներկայացրել ֆեդերացիայի կատարած աշխատանքները մարզաձևի մասսայականացման ուղղությամբ: Նա հավաստիացրել է, որ ֆեդերացիան և մարզչական խորհուրդը կշարունակեն աշխատել միջազգային մրցաշարերում հաջող հանդես գալու և մեդալներ նվաճելու համար:
Նախարարության աշխատակազմի ղեկավարի հետ ֆեդերացիայի նախագահը քննարկել է նաև 2018 թվականին Հայաստանում պաուերլիֆտինգի աշխարհի առաջնություն կազմակերպելու հնարավորության հարցը:
Նշենք, որ Ուկրաինայի Լուցք քաղաքում անցկացված պաուերլիֆտինգի Եվրոպայի առաջնությունում մեր մարզիկները ընդհանուր հաշվարկով նվաճել են 13 ոսկե և 2 արծաթե մեդալ, գրանցել աշխարհի 4 և Եվրոպայի 1 ռեկորդ, մեծահասակները թիմային հաշվարկով գրավել են 3-րդ տեղը: