Բացահայտվել է Էրեբունի վարչական շրջանում տեղի ունեցած սպանությունը. կասկածյալը ձերբակալվել է
11-11-2016 19:56:13 | Հայաստան | Իրավունք
ՀՀ քննչական կոմիտեի Երևանի քննչական վարչության Էրեբունի և Նուբարաշեն վարչական շրջանների քննչական բաժնում հարուցվել է քրեական գործ՝ 57-ամյա տղամարդու սպանության դեպքի առթիվ։ Ձեռնարկված անհետաձգելի քննչական գործողությունների արդյունքում բացահայտվել է սպանությունը, և կասկածյալը ձերբակալվել է։
Նոյեմբերի 10-ին ահազանգ է ստացվել, որ կայարանի գծերի մոտ՝ վագոն-տնակում, տղամարդու դիակ է հայտնաբերվել։ Անմիջապես դեպքի վայր է մեկնել քննչական-օպերատիվ խումբը՝ դատաբժշկի հետ միասին։ Դիակի արտաքին զննությամբ հայտնաբերվել են բռնության հետքեր։ Պարզվել է տուժողի ինքնությունը, ով հանդիսանում 1959թ. ծնված Գագիկ Ներսիսյանը։
Էրեբունի և Նուբարաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի հատկանիշներով, մշակվել քննչական պլան և ձեռնարկվել անհրաժեշտ գործողություններ՝ դեպքի բոլոր հանգամանքները պարզելու ուղղությամբ։
Քննությամբ փաստական տվյալներ են ձեռք բերվել, որ նշված վագոն տնակում նոյեմբերի 8-ին տեղի է ունեցել վիճաբանություն, որի ժամանակ էլ բազմաթիվ հարվածներ են հասցվել Գ.Ներսիսյանի դեմքի հատվածին՝ պատճառելով կյանքի հետ անհամատեղելի մարմնական վնասվածքներ։
Պարզվել է առերևույթ հանցագործություն կատարած անձի ինքնությունը. Գ.Ներսիսյանի սպանության կասկածանքով ձերբակալվել է 37 տարեկան տղամարդ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորություննապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀԱՅԵՐԵՆ
Русский
English
Դաս. հայերեն
French
