Նոյեմբերի 26-27 Թուրքմենստանի մայրաքաղաք Աշգաբադում տեղի կունենա Միավորված ազգերի կազմակերպության գլխավոր քարտուղար Բան Կի-Մունի հրավիրված Կայուն տրանսպորտի համաշխարհային խորհրդաժողովը:
Խորհրդաժողովի ընթացքում նախատեսում է մի քանի միջազգային կոնվենցիաների և համաձայնագրերի, ինչպես նաեւ վերջնական փաստաթղթերի ստորագրում: Խորհրդաժողովի օրակարգում կներառվեն շատ արդիական հարցեր` կայուն տրանսպորտի և շրջակա միջավայրի փոփոխություն, էներգետիկա և տրանսպորտ, քաղաքային տրանսպորտի համակարգը և ճանապարհային տրանսպորտային կապերը քաղաքներում ու գյուղերում, տրանսպորտի ոլորտի ներդրումները և դրա ֆինանսավորումը, միջազգային համագործակցությունը տրանսպորտի ոլորտում և դրա իրավական հիմքերը, բազմակողմ տրանսպորտային միջանցքների և նրանց ենթակառուցվածքների զարգացումը, երթևեկության անվտանգությունը:
ՄԱԿի այս հեղինակավոր խորհրդաժողովին ակնկալվում է շուրջ 2000 պատվիրակների մասնակցություն ողջ աշխարհից, այդ թվում նաև շատ երկրների և միջազգային կազմակերպությունների բարձրաստիճան պաշտոնյաներ:
Պաշտոնական Աշխաբադը ներգրավված է այնպիսի լայնածավալ տրանսպորտային նախագծերի մեջ, ինչպիսիք են Ղազախստան-Թուրքմենստան-Իրան և Թուրքմենստան-Աֆղանստան-Տաջիկստան երկաթգծերը, ճանապարհային և երկաթուղային կամուրջներ Ամուդարիա գետի վրայով, օդանավակայանների, մայրուղիների կառուցում, ինչպես նաև Թուրքմենբաշի քաղաքի միջազգային ծովային նավահանգիստը:
ՀԱՅԵՐԵՆ
Русский
English
Դաս. հայերեն
French
