«KINGS ON ICE PRESENT-FASHION ON ICE» շոու ծրագրին կհնչի «Երկրաշարժ » ֆիլմի սաունդտրեքը.(Տեսանյութ)
26-11-2016 17:20:20 | Հայաստան | Մշակույթ
Շուրջ 6 ամիս նախապատրաստական աշխատանքներից հետո վերջապես հայ հանդիսատեսը հնարավորություն կունենա ականատեսը լինել տարվա սպասված անակնկալներով լի «KINGS ON ICE PRESENT-FASHION ON ICE» էստրադային աստղերի անզուգական գեղեցիկ համարներով բացառիկ շոու-ծրագրին:
Այս մասին նոյեմբերի 26-ին լրագրողների հետ հանդիպմանը տեղեկացրեց միջոցառման պրոդյուսեր, Օլիմպիական խաղերի կրկնակի չեմպիոն ռուս գեղասահորդ Եվգենի Պլյուշչենկոյի մենեջեր հայազգի Արի Զաքարյանը: Նրա փոխանցմամբ այս անգամ շու-ծրագիրը լի է բազմաթիվ անակնկալներով. «Շատ ուրախ ենք, որ կրկին Երևանում ենք՝ այս անգամ ավելի հզոր կազմով և կատարելագործված համարներով, սպասվում են բազմաթիվ անակնկալներ »,- ասա նա հավելելով, որ սառցե այ շոուին մասնակցելու է Հայաստան առաջին անգամ գեղասահքի օլիմպիական խաղերի չեմպիոնուհի Ադելինա Սոտնիկովան։
Ա. Զաքարյանի խոսքերով սա առաջին նախագիծն է, որ իրագործում են Էմիլ Կարատի ով հանդիսանում է շոուի ռեժիսորը։
Օլիմպիական խաղերի կրկնակի չեմպիոն ռուս գեղասահորդ Եվգենի Պլյուշչենկոն նշեց, որ Երևանն իր համար դարձել է հարազատ վայր: Նա, մասնավորապես ,նշեց. «Լրագրողների հետ հանդիպմանը պատրաստվել էի հայերեն խոսել, պարզապես 3-րդ անգամն է ինչ գտնվում եմ Հայաստանում եւ լիարժեք չեմ տիրապետում հայոց լեզվին: Խոստանում եմ Հայաստան կատարելիք 10-րդ այցիս ընթացքում խոսել հայերեն»:
Ե. Պլյուշչենկոյի գնահատմամբ «KINGS ON ICE PRESENT-FASHION ON ICE» շոուն նոր բեմադրություն է հատուկ Հայաստանի եւ հայաստանցիների համար: Նրա փոխանցամբ իրենք շրջագայությամբ են այստեղ, եւ Երևանից հետո շարժվելու են Եվրոպա։ ։
«KINGS ON ICE PRESENT-FASHION ON ICE» շոուի ռեժիսոր Էմիլ Կարատը տեղեկացրեց, որ առաջին անգամ սառույցում կլինի նաև նորաձևության ցուցադրություն, կենդանի երաժշտություն՝ ջազ, սոուլ և փոփ»:
Հայաստան առաջին անգամ այցելաց Ադելինա Սոտնիկովան հույս հայտնեց, որ շոուն իսկապես դուր կգա հայ հանդիսատեսին:
Միջոցառման մասնակից վիրտուոզ ջութակահար Էդգար Հակոբյանն էլ տեղեկացրեց , որ ողջ միջոցառման ընթացքում հնչելու է բարձր որակի եւ մակարդակի երաժշտություն, ինչն էլ շոուն կդարձնի ավելի հուզիչ եւ ամբողջական: Նա տեղեկացրեց, որ այս անգամ միջոցառմանը հնչելու է «Երկրաշարժ » ֆիլմի սաունդտրեքը :
Նշենք, որ աննախադեպ այս միջոցառումն իրենց ելույթներով կզարդարեն ռուսական էստրադայի հայտնի երգիչները, երաժիշտները, պարային խմբերը, կրկեսի և օրիգինալ ժանրի ներկայացուցիչները, գեղասահքի աստղերը: Նրանց թվում են ջազի թագուհի Մարիամ Մերաբովան և Միրայֆ խումբը, երգչուհիներ Իվետա Մուկուչյանը, Սոնան, Քսենոնան, Ալյոնա Վասիլևան և վիրտուոզ ջութակահար Էդգար Հակոբյանը:
Տեղեկացնենք, որ «KINGS ON ICE PRESENT-FASHION ON ICE» աննախադեպ շոու ծրագիրը տեղի կունենա նոյեմբերի 27-ին Կարեն Դեմիրճյանի անվան մարզահամերգային համալիրում:
ՀԱՅԵՐԵՆ
Русский
English
Դաս. հայերեն
French
