Գերմանիան սահմանափակում է ԵՄ այլ երկրներից ներգաղթյալներին ցուցաբերվող սոցիալական աջակցությունը
02-12-2016 12:09:48 | Գերմանիա | Միջազգային
Եվրոպական միության երկրների քաղաքցիները կարող են Գերմանիայում սոցիալական աջակցության համար դիմել միայն այն դեպքում, եթե հինգ տարի բնակվեն այդ երկրի տարածքում: Այս մասին համապատասխան օրինագիծը Բունդեսթագը հաստատել է երեկ ուշ երեկոյան:
Interfax-ի փոխանցմամբ` այս միջոցառումն ուղղված է գերմանական սոցիալական բարձր նպաստներով հրապուրված ներգաղթյալների հոսքի դեմ:
Մասնավորապես, այն ենթադրում է, որ շատ օտարերկրացիներ այլևս չեն կարողանա սոցիալական օգնության համար դիմել Գերմանիայում աշխատանք փնտրելու ընթացքում:
Որպես հիմնավորում նշվում է, որ Գերմանիայում սոցիալական աջակցության հույս կարող են ունենալ միան նրանք, ովքեր ապրում, աշխատում և հարկեր են վճարում հենց այդ երկրում:
ՀԱՅԵՐԵՆ
Русский
English
Դաս. հայերեն
French
