Իտալիայի նախագահը քաղաքական ուժերին խելամտության կոչ է արել
05-12-2016 18:52:58 | Իտալիա | Միջազգային
Իտալիայի նախագահ Սերջո Մատարելան խելամտության և փոխադարձ հարգանքի կոչ է արել երկրի քաղաքական ուժերին կառավարական ճգնաժամի պայմաններում:
tass-ի փոխանցմամբ` այդ մասին ասված է համազգային հանրաքվեից հետո պետության ղեկավարի պաշտոնապես հրապարակված հայտարարությունում, որի արդյունքներով Իտալիայի վարչապետ Մատեո Ռենցին հայտարարել է իր հրաժարականի մասին:
«Իտալիան հզոր երկիր է` մեծ պոտենցիալով, ուստի անհրաժեշտ է դրական քաղաքական մթնոլորտ, հանգստություն և խելամտություն, ինչպես նաև փոխադարձ հարգանք»,- ասված է Մատարելայի հայտարարությունում:
Երկուշաբթի երեկոյան ինչպես ակնկալվում է, նախագահը ստանալու է Ռենցիից պաշտոնական հրաժարման մասին դիմումը, և բոլոր քաղաքական ուժերի հետ խորհրդակցությունից հետո որոշում է կայացնելու կառավարության և խորհրդարանի հետագա ճակատագրի մասին:
ՀԱՅԵՐԵՆ
Русский
English
Դաս. հայերեն
French
