Արայիկ Հարությունյանը ելույթ է ունեցել ԱՄՆ Կոնգրեսում կազմակերպված՝ Արցախի անկախությանը նվիրված միջոցառմանը
07-12-2016 12:19:18 | ԱՄՆ | Մամլո հաղորդագրություն
Արցախի Հանրապետության վարչապետ Արայիկ Հարությունյանը դեկտեմբերի 6-ին մասնակցել է ԱՄՆ Կոնգրեսում կազմակերպված՝ Արցախի անկախության 25-րդ տարեդարձին նվիրված միջոցառմանը և հանդես եկել ելույթով:
Միջոցառմանը մասնակցում էին ԱՄՆ-ում ՀՀ արտակարգ և լիազոր դեսպան Գրիգոր Հովհաննիսյանը, հայկական համայնքի հոգևոր դասի, կազմակերպությունների և այլ ներկայացուցիչներ, շուրջ մեկ տասնյակ կոնգրեսականներ, ԱՄՆ գործադիր մարմնի ներկայացուցիչներ և այլ հյուրեր:
Կոնգրեսականներն իրենց ելույթներում աջակցություն են հայտնել Արցախի անկախությանը և զարգացման ընթացքին, ինչպես նաև դատապարտել են ապրիլին Ադրբեջանի սանձազերծած ագրեսիան՝ հավաստիացնելով, որ ամեն ջանք կգործադրեն տարածաշրջանում խաղաղության ապահովման համար:
Վարչապետ Հարությունյանի ելույթի հայերեն և անգլերեն տարբերակները՝ կից փաստաթղթերում:
ԱՀ կառավարության աշխատակազմի տեղեկատվության և հասարակայնության հետ կապերի բաժին