Հավանության է արժանացել կոշտ կենցաղային թափոնների կառավարման համակարգի զարգացման ռազմավարությունը
08-12-2016 19:05:28 | Հայաստան | Մամլո հաղորդագրություն
Հավանության է արժանացել ՀՀ 2017-2036թթ. կոշտ կենցաղային թափոնների կառավարման համակարգի զարգացման ռազմավարությունը: Փաստաթղթի նպատակն է
հանրապետության ողջ տարածքում ստեղծել կոշտ կենցաղային թափոնների կառավարման ԵՄ չափանիշներին բավարարող, ինտեգրված համակարգ, որը տեխնիկական, ֆինանսական և բնապահպանական առումներով կայուն և ծախսարդյունավետ ծառայություններ է տրամադրելու բնակչությանը և հիմնարկներին: ԿԿԹԿ հանրապետական համակարգը ներառելու է միմյանցից անկախ գործող, բայց միևնույն պահանջներին ու սկզբունքներին բավարարող ԿԿԹԿ տարածաշրջանային ենթահամակարգեր: ԵՄ չափանիշներին բավարարող ԿԿԹԿ համակարգը կներառի աղբահանությունը և աղբավայրերի շահագործումը: Նոր համակարգի ներդրմանը զուգընթաց կփակվեն հանրապետության տարածքում գործող աղբավայրերը (եթե դրանց արդիականացումը դիտվի ոչ նպատակահարմար): Էապես կնվազի մարդկանց առողջությանն ու շրջակա միջավայրին հասցվող վնասը: